Dolma, ənənəvi olaraq müxtəlif ət və düyü dolğuları ilə doldurulub, üzüm yarpaqlarından hazırlanmış, otlar və ya qoz-fındıqla zənginləşdirilmiş bir yeməkdir.  Adı Azərbaycan dilində ‘doldurmaq’ mənasını verən ‘dolmaq’ felindən gəlir.  Tərkibi  bölgədən bölgəyə və ilin vaxtından asılı olaraq dəyişir.  Məsələn, yay vaxtı doldurulmuş badımcan və ya pomidor da dolma sayılır.

Dadına doyulmaz və ən ləzzətli xəmir xörəyimiz, məşhur paxlava: qoz-fındıq və ya püstə ilə doldurulmuş, bal və ya şərbət ilə örtülmüş xəmir təbəqələri.  Ənənəvi olaraq Novruz tətilində "şəkərbura" və "şorqoğal" ilə birlikdə yeyilir, amma, eyni zamanda il boyu da   ləzzətlə yeyilə bilər. Paxlava, alovu simvolizə edən bir almaz formasına malikdir və bölgədən bölgəyə fərqlənir. Şirniyyatları ilə məşhur olan iki şəhər - Şəki və Qubada paxlavanın regional dəyişikliklərini sınamağınızı tövsiyə edirik.

Şəkinin məşhur bu yeməyi, şəhərin işçi sinfi üçün, doyumlu olan quzu əti yeməyi kimi hazırlanmağa başlamışdır. İndi ölkə daxilində də məşhurdur, amma, buna baxmayaraq, ən orijinal piti qabı üçün mütləq Şəkiyə getməlisiniz. Noxud, şabalıd, zəfəran və yerli ədviyyatlar, yeməyə ləzzətlər qatır, lakin əsas element pitinin bişirildiyi və verildiyi saxsı qablarda olur.  Üstəlik, bu, əslində bir qabda iki yeməkdir: əvvəlcə bulyonu ayrı bir qaba töküb şorba kimi həzz alırsınız, sonra qalan hissəni əsas yemək kimi yeyirsiniz!

Daha çox toylarda və ya xüsusi günlərdə verilən şah plovu ‘plovların kralı’ adlandırırlar və ən çox qovurma - bişmiş ət, qoz-fındıq, quru meyvə və otlar ilə verirlər.  Şah plov həm ləzzətli bir yeməkdir, həm də unudulmaz bir daddır.  Yağlı lavaş çörəyi örtüyü ilə bir-birinə yapışdırılan plovu kəsdikdən sonra, düyü və digər məhsulların heyrətləndirici ətri sizə qalıcı bir təəssürat bəxş edəcəkdir.